Blog Frei Luis de Granada
CURIOSIDADE + COÑECEMENTO = TALENTO
EXCURSIÓN DE 5º
Este venres @s alumn@s de 5º foron de excursión a FERVENZAventura, un Centro de Actividades na Natureza situado na contorna do sistema fluvial Ulla-Deza e que conta cunha paisaxe rural dun valor etnográfico e cultural incalculable.
Este centro dispón de distintas zonas: zona de turismo activo, zona deportiva, zona de agroturismo e albergue turístico.
As nosas crianzas estiveron a maior parte do tempo na zona de turismo activo onde puideron disfrutar de actividades como a tirolina, o rocódromo, tiro con arco, etc.
Se queredes ver como lles foi, so tedes que pinchar no seguinte vídeo.
ESPAZO VOZ NATURA
SEMANA DO LIBRO 2024
Como sabedes o 23 de Abril celebrouse o "DÍA DO LIBRO" e durante esta semana no Frei Luís tivemos diversas actividades coas que quixemos, como di o noso mural, poñer en marcha a lectura d@s nos@s cativ@s e fomentar neles a lectura.
- "Dálle unha segunda vida ao teu libro": todo o alumnado de primaria recibiu de agasallo un libro procedente do expurgo que fixo Luisiña na biblioteca. Algunhas crianzas levaron estes libros para ler na súa casa e outras fixeron con eles libros-obxecto.
- Realización dun marcapáxinas: todo a alumnado do centro decorou un marcapáxinas para festexar este día.
- Contacontos "Aínda nada?": este venres o alumnado de infantil disfrutou dun kamishibai con este conto pero antes de contarvos máis... Sabedes que é un kamishibai? Un kamishibai é unha combinación de ilustracións e textos que se van pasando nun teatrillo artesanal de madeira que recibe este nome, xa que a súa orixe é xaponesa. É unha forma moi orixinal e divertida de contar contos.
Pois como vos decía, fixemos un kamishibai baseado no conto "Aínda nada?" no que Luís, o seu protagonista, sementa un granciño e espera impaciente a que crezca a súa flor e nós, tomando como punto de partida este libro, puxémonos mans á obra e tamén plantamos uns granciños de tagetes. Crecerán moito? Cos nosos coidados, seguro que si😉.
EDUCACIÓN VIAL
A Dirección Xeral de Tráfico visitou a nosa escola para compartir connosco dúas xornadas co obxectivo de formar ao alumnado de 1º, 2º, 3º e 4º de Ed. Primaria nesta materia.
Faláronos de como evitar accidentes de tráfico, as sinalizacións, as normas de circulación para condutores e peóns, a condución responsable de bicicletas, patinetes e ciclomotores, as medidas de seguridade, os principais sinais de tráfico...
Escoitamos moi atento/as as explicacións de Laura
e José Luís, ata nos deixou subir ao seu coche de Garda de Tráfico!!!