A semana que vén empezamos as actividades do entroido no Frei Luís de Granada pero como ben sabedes, este ano hai medidas de seguridade derivadas da COVID - 19 que nos limitan a súa realización, motivo polo cal non haberá desfile no colexio.
As actividades que levaremos a cabo son as seguintes:
1. Mandas do Meco. Os alumn@s que queiran poden vir ao cole a semana que vén seguindo as mandas do noso Meco. Animádevos!!!
- O luns trae algo divertido e orixinal na cabeza, pois comeza o entroido e non debes ter pereza.
- O martes un velliño ou velliña serás, por iso boina, perruca, pañoleta ou bastón poderás levar.
- O mércores pensa que che gustaría ser de maior e ven disfrazado da túa futura profesión.
- O xoves o que sempre desexaches vaise cumprir, podes vir ao cole con roupa de durmir.
- O venres se ao Frei Luís queres entrar, disfrázate do que queiras e triunfarás pero non esquezas que ao baño terás que ir, por iso vente cun disfraz que sexa fácil de baixar e de subir.
2. Elaboración de carautas. Todos os alumn@s elaborarán unha carauta ao seu gusto. Sempre lles quedan xenial así que poderedes ver como as fan e como lles quedaron a través das fotos que vos subiremos ao blog.
3. "Festa" o venres día 12. Este día os nenos e nenas que se animen poden vir disfrazados ao colexio como queiran e terán actividades coas que seguro o pasarán moi ben: música no recreo, bailes, pelis, xogos variados, etc. Eso si, sempre respectando as medidas de seguridade.
Todas estas actividades subirémolas ao blog a finales da semana que vén. Estade atent@s e non volas perdades!!!
