DÍA DA DISCAPACIDADE

O 3 de decembro celébrase en todo o mundo o "Día Internacional das Persoas con Discapacidade".Trátase dunha cita que pretende concienciar e chamar a atención sobre os dereitos e benestar das persoas con discapacidade.

Con ese obxectivo foron convidados os alumnos/as de 6º de Ed. Primaria a unha xornada no IES XOGRAR AFONSO GÓMEZ polos alumnos/as do ciclo de "Atención a Persoas Dependentes" que cursan alí os seus estudos.

Unha intensa mañá que non olvidaremos e na que vivenciamos o día a día das persoas que sofren algún tipo de discapacidade.

Puxémonos no seu lugar e experimentamos os atrancos que atopan para desenvolverse na sociedade.

Regresamos á escola agradecidos unha vez máis ao Instituto de pensar en nós e convidarnos a unha xornada na que aprendemos un montón e nos fixo reflexionar.