NORABOA MARÍA!

Orgullosos é a palabra coa que definimos a emoción que sentimos dende que hai uns días unha alumna da nosa escola recibira a convocatoria por parte da Federación Galega de Baloncesto para formar parte da Selección Galega de Baloncesto que representará Galicia no vindeiro Campionato de España de Minibasquet a disputar en Salou e Tarragona entre os días 1 e 5 de Abril .

María Parga alumna de 6ºB de Ed. Primaria recibe así un merecidísimo premio ao esforzo, ao bo facer e ao seu talento. Recoñecemento ao traballo en equipo, á superación persoal e ao compromiso.

María comezou a xogar ao baloncesto na "escoliña" do Frei Luís, canteira do CB Sarria, e rapidamente entrou a formar parte dos equipos do clube.

Con moitas compañeiras de "pupitre" comparte equipo e compite hoxendía.

EQUIPAZO!

Na actualidade no Frei Luís de Granada, na nosa escoliña, practican baloncesto máis de 50 rapaces e rapazas e un amplo número de xogadores de Ed. Primaria forman parte dos equipos en competición federada.

Coñecedores dos valores e bos hábitos que transmite o deporte estamos encantados de ser a canteira principal do clube sarriao e traballar en colaboración con eles dende hai anos.

María, é a primeira en formar parte dunha selección autonómica, pero sabemos que na nosa escola se están formando grandes xogadores e xogadoras que non dubidamos que nun futuro próximo seguirán os seus pasos.

Fantástico traballo o que están a realizar os adestradores do CB. Sarria cos nosos nenos/as!