21 DÍAS EN GALEGO E +
Día 14
30 de xaneiro, Día da Paz.
Comezamos a mañá visitando o blog dos 21.
Neste caso da man do Ceip Ponte dos Brozos de Arteixo, un dos coles de Galicia onde estudan alumnas e alumnos de procedencias moi diversas. O seu alumnado falounos de igualdade a través de exemplos concretos de mulleres que están na súa contorna.
Na nosa escola celebramos este día cun encontro no patio no que xuntos cantamos "Digo Stop" de Unai Quirós. Esta canción reflexiona sobre o importante que é saber xestionar as emocións para sentirnos mellor a nivel individual pero tamén para ter un mellor ambiente e unha mellor convivencia coas persoas da nosa contorna. Non vos perdades o vídeo porque o noso alumnado deu o do de peito😉.
Nesta xuntanza tamén escoitamos o conto "Unha Historia a Contrarreloxo", que como ben sabedes, iniciouse en infantil e foi subindo ata sexto de primaria tomando corpo coas aportacións que facía cada titoría. Un conto único e propio do Frei Luís. Escoitádeo porque a Luisiña pásalle de todo antes de chegar a nosa biblioteca.