8 - M DÍA INTERNACIONAL DA MULLER

   Os Xogos Olímpicos continúan no Frei Luís e para o DÍA INTERNACIONAL DA MULLER quixemos investigar sobre o papel das mulleres nestes xogos ao longo da historia.

  Comezamos esta investigación pola Antiga Grecia onde as mulleres non podían participar; pero descubrimos que existían os xogos Hereos que eran xogos na honra da deusa Heras, esposa de Zeus, nos que as mulleres competían en probas atléticas.

  Despois investigamos sobre a primeira vez que as mulleres puideron participar nos Xogos Olímpicos e descubrimos que foi en 1900 en París nas disciplinas de golf, tenis e tiro con arco e tamén descubrimos que en 1920 unha española, por primeira vez, conseguiu clasificarse para participar nuns xogos. Foi a deportista Lilí Álvarez que era tenista, xogadora de billar, piloto de coche de carreiras... pero por lesión non puido participar neles ata 1924.

    Tamén nos xurdiu a dúbida de cal sería a primeira muller en acadar unha medalla a nivel mundial e cal a primeira española.

    A continuación quixemos saber cales eran as mulleres con máis medallas e descubrimos que o ranking mundial o encabezan mulleres como Larisa Latynina (ximnasta da Unión Soviética, 18 medallas), Birgit Fischer (piragüista alemá, 12 medallas) ou Jenny Thompson (nadadora estadounidense, 12 medallas).

   E descubrimos tamén que as primeiras mulleres do medalleiro olímpico español son Mireia Belmonte (natación, 4 medallas), Andrea Fuentes (natación sincronizada, 4 medallas) e Arantxa Sánchez Vicario (tenis, 4 medallas).

   Despois elaboramos un mural que nos serviu de base para compartir toda esta información co resto do alumnado do colexio.

     E fixemos unha reflexión sobre a muller á que nos lle daríamos a medalla de ouro das nosas vidas.

 Con todo isto, esperamos que o traballado sirva para que o noso alumnado reflexione sobre a importancia da igualdade de xénero no ámbito deportivo e en xeral, en todos os ámbitos da vida.