CLAUSURA

A piques de chegar á clausura do curso, toca facer balance e non cabe dúbida de que este foi un ano no que o olimpismo e os valores do deporte tiveron moita presenza.

Os deportistas do Frei, cerran campaña, finalizan a tempada e estamos a piques de pechar a nosa vila olímpica 2024/2025.

Para nós é un orgullo ver que fóra das nosas aulas o noso alumnado practica deporte.

A vida do deportista non é doada, detrás de cada un/unha hai moito traballo, esforzo e sacrificio. Moitos dos nosos alumnos/as adestran horas e horas, percorren moitos quilómetros para competir, pasan algúns nervios,sofren lesións...

Ás veces chega a recompensa en forma de medalla nos torneos, campionatos oficiais, ligas.... nas que participan e neste curso moitos/as os nenos e nenas do Frei Luís viron recompensado o seu traballo a nivel provincial e autonómico.